“Манчестер Сити” ҳужумчиси Серхио Агуэро бу йилги мавсумда “шаҳарликлар” кўзлаётган асосий мақсад Чемпионлар Лигасида ғалаба қозониш эканини таъкидлади.

Аргентиналик форварднинг сўзларига кўра манкунианларнинг Европанинг энг нуфузли мусобақасида ғолиб чиқадиган вақтлари етиб келган.

– Мусобақада илк бор иштирок этган вақтимизда босим ва асабийлашишлар сабаб қониқарсиз натижалар қайд этгандик, лекин энди менимча бу борада етарли тажрибага эга бўлдик. Таркибимизда ажойиб ўйинчилар жамланган ва муваффақиятга эриша оламиз деб ўйлайман. Жамоа Чемпионлар Лигасида ғалаба қозониш учун барча имкониятларга эга деб ҳисоблайман. Ҳар йили фаворитлар қаторида зикр этиламиз, бироқ бу эътирофни хақиқатга айлантирадиган вақт етиб келди, – дея Агуэро сўзларини келтиради The Guardian га асосланиб “СЭ”.