“Барселона” ҳимоячиси Херард Пике Чемпионлар Лигаси 5-тури “Рома”га қарши ўйиндан (6:1) олган таассуротлари билан ўртоқлашди.

“БАТЭ” – “Байер” учрашувида қайд этилган натижа “Рома”нинг хотиржамликка берилишига туртки бўлди, шу сабабли ҳам жамоа бизга қарши ўйинга диққатини жамламасдан тушиб келди. Тезкор гол ҳам “Барселона”нинг ишини анча енгиллаштирди.

Ҳужумдаги учлигимиз намойиш этган ўйинга келсак, уларнинг муваффақиятини Неймарнинг бугун тўп киритмагани ва бошқаларга гол уриш имконини тақдим қилганининг ўзи айтиб турибди.

Улар ҳимояда ҳам ёрдам беришади ва бу бугунги кун “Барселона” сеҳрли ўйинининг асосий калити”, – дея Пике сўзларини келтиради Football Italia нашрига асосланиб Sports.ru.