Испания ҳукумати раиси Мариано Рахой фикрича, айни пайтда «Барселона» Мадриднинг «Реал» жамоасидан кучлироқ, деб ёзади «Чемпионат».

Бу ҳақда Рахой жамоаларнинг мамлакат чемпионати 12-тури доирасидаги ўйини чоғида шахсан Каталония клуби президенти Хосеп Мария Бартомеуга айтди. «Сиз биздан кучлироқсиз», — деди Рахой «Барселона» Кейлор Навас дарвозасига учинчи голини урганидан сўнг.

«Реал» асосий рақибини ўз майдонида қабул қилган ва 0:4 ҳисобида тор-мор келтирилган эди. Шундан кейин кўпчилик «Реал» мураббийи Рафаэль Бенитес ўз вазифасида қолишига шубҳа қила бошлади, бироқ клуб президенти Флорентино Перес мураббийга нисбатан ишонч билдирди.