“Атлетико” бош мураббийи Диего Симеоне Чемпионлар Лигаси гуруҳ  босқичи 5-тури “Галатасарой” билан учрашувда эришилган ғалабадан (2:0) қониқиш ҳосил қилганини таъкидлади.

Мураббийнинг фикрича, Мадрид клуби футболчиларининг асосий кучи бу жамоавий бирдамликда.

– “Атлетико”га Диего Коста етишмаяпти? Йўқ ундай эмас. Биз ўз йўлимиздан кетаяпмиз. Жамоа кундан-кунга ўсиб бораяпти. Ҳар бир футболчи жамоа манфаати учун тиришқоқлик билан меҳнат қилмоқда. Бошқача йўлдан бора олмаймиз. Плей-офф босқичидаги рақиблардан чўчимаймизми? Бу борада бир нарса дейишим қийин. Ҳозир бор диққат-эътиборимизни “Бенфика”га қарши ўтадиган сўнгги тур ўйинига қаратганмиз,  – дея Симеоненинг Tmw нашрига берган интервьюсини келтиради “СЭ”.