“Манчестер Сити” таклифини қабул қилгани айтилган “Бавария” устози Хосеп Гвардиола энди “Арсенал” бош мураббийлигига ҳам даъвогар бўлиб турибди. Бу ҳақда “Спорт Экспресс” The Guardian нашрига таяниб хабар тарқатди.
Қайд этилишича, “канонирлар”нинг ҳозирги мураббийи Арсен Венгер мавсум якунлангач эгаллаб турган вазифасидан озод этилади.
Аввалроқ “Бавария” раҳбарияти Хосеп Гвардиолани клубда олиб қолиш учун 44 ёшли мутахассисга 24 миллион евро маош таклиф қилиши маълум бўлиб улгурганди.
Эслатиб ўтамиз, испан мутахассисининг немис гранди билан тузган шартномаси келаси йил ёзида якунига етади. Гвардиоланинг ўзи эса яқин дўстларига Англия Премьер-лигасида ишлаш нияти борлигини ошкор қилган.
