Англия премьер-лигаси иштирокчиларининг сони 18 та деб белгиланиши мумкин. Бу ҳақда The Times га таяниб Спорт Экспресс хабар бермоқда.
Хабарга кўра, Англия футбол ассоциацияси раҳбари Грег Дайк лига раҳбариятига ушбу таклифни билдирмоқчи. У ушбу ғояни премьер-лигаси раҳбари Ричард Скудамор билан муҳокама қилиб олади.
Дайкнинг фикрича юқори дивизион иштирокчилари сонининг қисқартирилиши тақвимнинг анча эркинлашиши ҳамда АПЛ клубларининг еврокубокларга яхши тайёргарлик кўришларига, шунингдек, Англия терма жамоаси футболчиларининг халқаро турнирларга ортиқча жисмоний зўриқишларсиз соғлом ҳолатда етиб кетишларига сабаб бўлади.
