Испан журналисти Гильем Балаге ёзишича, «Бавария» ҳужумчиси Роберт Левандовски фаолиятини «Реал»да давом эттиришга қарши эмас.
«Футболчига яқин инсонларнинг тахмин қилишларича, Бэйл – Левандовски жуфтлиги юқори потенциалга эга бўлади ҳамда ҳозир Робертнинг «Реал»га ўтиши учун айни палла.
Авваллари футболчи Мадридда ўйнаш учун имконият йўқ деб ҳисобларди. Энди эса Роналду ва Бенземанинг «Реал»даги фаолияти якунига етиб бормоқда», – дея ёзади Балаге.
Аввалроқ Левандовскининг агенти «Реал» президенти Флорентино Перес билан музокара олиб боргани ҳақида хабар берилганди.