Ўзбекистон миллий терма жамоаси февраль ойида Миср билан ўртоқлик учрашувини ўтказиши мумкин. Бу ҳақда ahram.org.eg веб-сайти хабар тарқатди.
"Миср февраль ойида Ўзбекистон ёки Руминия терма жамоаси билан ўртоқлик учрашувини ўтказиши мумкин, аммо улардан қайси бири билан ўйин ўтказилишига ҳали аниқлик киритилмаган", - дейилади манбада.
Хабарингиз бор, Ўзбекистон ва Молдова футбол федерациялари 9 февраль куни ўртоқлик учрашувини ўтказиш бўйича келишувга эришганди. Аммо кейинчалик ЎФФ хавфсизлик нуқтаи назаридан ўйинни Туркиядан БААга кўчириш таклифи билан чиқди. Молдова Дубайда ўртоқлик ўйини ўтказиш учун яна бир рақиб топса, Ўзбекистон билан баҳс ҳам ўтказилади.
