“Интер” ва Колумбия терма жамоаси ҳимоячиси Жейсон Мурильо фаолиятини “Реал” ёки “Барселона”да давом эттириши мумкин.
Маълум бўлишича, испан грандлари 23 ёшли футболчининг ушбу мавсумдаги ҳимоядаги ҳаракатларини кузатишмоқда. Милан клуби раҳбарияти ўтган мавсумда таркибга қўшилган футболчини қўйиб юбормоқчи эмас, бироқ трансфер қиймати 30 миллион еврога етадиган бўлса музокараларни бошлашга тайёр.
Эслатиб ўтамиз, “Интер” ўтган мавсумда Мурило учуб “Гранада”га 8 миллион евро тўлаганди. Жорий мавсумда футболчи Италия чемпионатида 12 та учрашувда майдонга тушиб, битта голга муаллифлик қилди.