Европа чемпионлар лигаси 6-турида "Бавария" сафарда "Динамо Загреб"ни 2:0 ҳисобида мағлуб этди. Ушбу ғалаба "мюнхенликлар" устозига иккита натижани қайд этишга ёрдам берди.
Испаниялик мутахассис Чемпионлар лигасида 50-ғалабани қўлга киритди ва янги рекорд ўрнатди. Ушбу натижани қайд этиш учун унга 80 та ўйин кифоя қилди. Аввалги рекорд Луи ван Галга тегишли эди. Голландиялик мутахассис 82 ўйинда 50 та ғалабани қўлга киритганди.
Бундан ташқари, "Бавария" Гвардиола қўли остида 100 ғалабасини нишонлади. Бунинг учун испаниялик мураббийга 132 учрашув керак бўлди. Гвардиола "Барселона" ишлаган вақтида 100 та ғалабани 139 ўйинда қўлга киритганди.