"Реал" "Бавария"дан польшалик ҳужумчи Роберт Левандовскини харид қилиши қийин бўлади.
Ўз вақтида "Бавария" Робертни Дортмунднинг "Боруссия"сидан эркин агент сифатида Мюнхен клубига ўтиши учун футболчига 25 млн евро тўлаган. Левандовскининг агенти шартномага устама пули ҳақидаги бандни киритмоқчи бўлган, аммо "Бавария" бунга розилик бермаган.
Унинг германияликлар билан шартномаси 2019 йилга қадар тузилган.
Ушбу футболчига ёзда "Манчестер Юнайтед"дан жиддий қизиқиш бўлди. Кейинроқ эса ОАВда "Реал" уни Карим Бенземанинг ўрнига Мадридга олиб келмоқчилиги маълум қилинди.
Охирги вақтларда эса Флорентино Перес ушбу футболчини Криштиану Роналдунинг ўринбосари сифатида кўрмоқда.
Жорий мавсумда Левандовски "Бавария" таркибида бундеслиганинг 14 ўйинида 14та гол урган. Шунингдек, у жамоа билан ЕЧЛ баҳсларидаги 6та ўйинда иштирок этиб, 7та голга муаллифлик қилган. Қолаверса, Германия кубоги доирасидаги ўйинни ҳам голсиз тарк этмаган.