"Сельта" жамоаси ҳужумчиси Нолито "Барселона"га ўтиши ҳақидаги гаплар миш-миш эканини ва у амалдаги жамоаси билан шартномани узайтириш ниятида юрганини айтиб ўтди.    - "Барселона"га ўтишим ҳақидаги хабарлар миш-мишдан бошқа нарса эмас. Агар "Барселона" менга қизиқаётган бўлса, клуб раҳбарияти "Сельта" билан боғланар эди, аммо, бундай бўлмади. Мен "Сельта"да қолиб, келишувни узайтирмоқчиман, - Нолито сўзларини келтиради Marca нашри.   Аввалроқ, "каталонияликлар" устози Луис Энрике испаниялик ҳужумчини жамоага таклиф қилмоқчи экани ҳақида хабар қилинганди. Бундан ташқари, "Арсенал" клуби ҳам Нолитога қизиқиш билдирган.