Клублар ўртасидаги жаҳон чемпионатининг дастлабки финалчиси маълум бўлди. Аргентинанинг "Ривер Плейт" жамоаси ярим финалда Япониянинг "Санфречче Хиросима" клубини кичик ҳисобда мағлуб этди.

Ўйин бошида аргентиналиклар катта ташаббусга эга бўлишди, аммо мезбон жамоа дарвозасига йўл топа олишмади. Бўлим сўнгида эса "Санфречче" 3та голга тортадиган вазият яратди, ҳар сафар "Ривер" дарвозабони Бароверо жамоасини муқаррар голлардан қутқарди.

Иккинчи бўлимда эса япон дарвозабонининг ягона хатоси ўйин тақдирини ҳал қилди. Олис масофадан етказилган узатма пайтида тўпни эгаллашга уринган Хаяши уни қўлидан чиқариб юборди. Аларио эса бош билан бўш дарвозани ишғол қилди.

"Ривер Плейт" 20 декабрь куни ЖЧ финалида "Барселона" - "Гуанжоу Эвергранд" жуфтлиги ғолибига қарши майдонга чиқади. "Санфречче" эса бронза медали учун кураш олиб боради.

Клублар ўртасида ЖЧ, ярим финал
Санфречче Хиросима Япония – Ривер Плейт Аргентина 0:1 (0:0, 0:1)
Гол: 0:1 – 72 Аларио.
Санфречче Хиросима – Хаяши, Симидзу, Сиотани, Сасаки, Морисаки, Тиба, Аояма, Касива (Микич, 61), Тядзима (Сато, 76), Минагава (Асано, 66), Дуглас.
Ривер Плейт – Бароверо, Майдана, Ваньони, Меркадо (Майяда, 85), Альварес, Санчес, Краневиттер, Понсио (Лучо Гонсалес, 57), Аларио, Мора, Пискуличи (Виудес, 64).
Огоҳлантиришлар: Тиба (18), Касива (36), Меркадо (51), Альварес (61), Сиотани (77), Морисаки (90).