Хабарингиз бор, Ўзбекистон олимпия терма жамоасига номзод футболчи саналадиган Ҳусниддин Ғофуров айни пайтда Сербия Суперлигаси иштирокчиси “Явор Матис” клуби сафида ҳаракат қилмоқда.
Сербия Суперлигасида 22-тур учрашувлари ўтказилди. Тур доирасидан ўрин олган қизиқарли беллашувлардан бирида “Явор” мусобақа жадвали карвонбошиси “Црвена Звезда”га қарши баҳс олиб борди. Серб футболи байроқдорининг яққол устунлиги остида ўтган ўйинда “Црвена” 3 та тўп фарқи билан зафар қучди.
“Явор” – “Црвена Звезда” 0:3
Голлар: Оливейра Да Коста (5), Срдан Плавич (56), Александар Катай (70)
Ҳамюртимиз Ҳусниддин Ғофуров эса ўйинни доимгидек бошланғич таркибда бошлади ва 71 дақиқа ўйнади. Сўнг у ўз ўрнини жамоадоши Игор Стояковичга бўшатиб берди.
