Лондоннинг “Челси”, Миланнинг “Интер” клублари собиқ ҳужумчиси, Камерун футболи юлдузи Самуэль Это'О Туркиянинг “Антальяспор” жамоасига бош мураббий вазифасини бажарувчи этиб тайинланди.
“Антальяспор”нинг эндиликда собиқ бош мураббийига айланган Юсуф Симсек истеъфога чиқарилди. Жамоа раҳбарияти янги мураббий топгунига қадар 34 ёшли Самуэль “Антальяспор”ни бошқариб туради. Унга ёшлар жамоаси мураббийи Мехмет Угурлу ёрдам беради.
“Антальяспор” 15та учрашувдан сўнг турнир жадвалида 20 очко билан 9-ўринни эгаллаб турибди. Камерунлик ҳужумчи 15та учрашувда рақиб дарвозасини 13 маротаба ишғол қилган.
