Кеча Лондоннинг “Челси” клуби бош мураббий Жозе Моуриньони ўз лавозимидан озод этганди. Бугун эса Англия ОАВ томонидан “аристократлар”га энди ким устозлик қилиши борасида бир қатор янгиликлар бериб борилди. Номзодлар орасида Гус Хиддинк энг моносиби дея хабар берилмоқда.
Бугун Голландия терма жамоасининг собиқ бош мураббийини Лондондаги Хитроу аэропортида кўришган. Маълумотларга қараганда, Хиддинк “Челси” билан музокара ўтказиш учун ташриф буюрган.
Эслатиб ўтамиз, Гус Хиддинк Голландия терма жамоасидан кетгандан кейин бирор бир клубда ишламаётган эди.
