“Бавария” клуби бошқаруви раиси Карл-Хайнц Румменигге Хосеп Гвардиола жамоа билан шартномасини узайтирмаслигини тасдиқлади.

Каталониялик мутахассис жорий мавсум якунлангач Мюнхенни тарк этади ва унинг ўрнини Карло Анчелотти эгалллайди.

“Биз Гвардиоладан барча қилган ишлари учун миннатдормиз. Бу мавсумда Хосеп билан катта муваффақиятларга эришамиз деган умиддаман.

Анчелотти – “Бавария” билан ишлайдиган яна бир жуда кучли мураббий бўлади. Биз у билан ҳамкорликни йўлга қўйганимиздан хурсандман“, – дейди Румменигге.