Аъзам Шерғозиев мураббийлиги остида шуғулланаётган ёшлар жамоамиз ҳам машғулотларга киришган.

Жорий мавсумда 4-ўринни банд этган ёшларимиз 16 декабрдан Олмалиқ шаҳрида тайёргарликни бошлади. Жамоа таркибида ҳозирча маҳаллий футболчилар машғулотларда қатнашишмоқда. Ўтган ҳафтада ёшларимиз дастлабки назорат ўйинини ўтказишди. Чирчиқ олимпия захиралари коллежи жамоаси Олмалиққа ташриф буюрди. Учрашувда жамоамиз ёшлари рақиб дарвозасига жавобсиз 10 та тўп киритишди. Кўрикдан ўтишни хоҳлаётган ёшлар кўплиги сабабли жамоамиз навбатдаги назорат ўйини ташкил этади. Учрашув олий лига дебютанти Тошкент шаҳрининг "Обод" жамоаси ёшларига қарши бўлиб ўтади. Бу баҳс эртага 24 ноябрь куни "Обод" стадионида ташкиллаштирилади. Ўйин 12-00да бошланади.