"Ливерпуль" жамоаси собиқ ярим ҳимоячиси Стивен Жеррард "қизиллар"нинг навбатдаги машғулотларида иштирок этгани ҳақида хабар бергандик.
Футболчи ҳозирда МЛС лигасининг "Лос-Анжелес Гэлакси" жамоаси аъзоси ҳисобланади. МЛСда айни дамда танаффус бўлганлиги сабаб, Жеррард спорт формасини ушлаб туриш мақсадида собиқ клубининг машғулотларда қатнашди.
Инглиз ОАВ Жеррарднинг собиқ жамоасида ижара асосида ўйнаши мумкинлиги ҳақида хабарлар тарқатди. Клуб бош мураббийи Юрген Клопп эса бу борада ўз фикрларини айтиб ўтди.
"Жеррард билан муносабатимиз яхши, аммо, бу шахсий масала. Унинг "Лос-Анжелес Гэлакси" билан амалдаги шартномаси мавжуд. Биз уни ижарага олиш ниятимиз йўқ," - дейди Клопп.