«Манчестер Юнайтед» «Майнц» ҳужумчиси Йошинори Мутога қизиқиш билдирмоқда. Mirror нашри тарқатган хабарга кўра, «қизил иблислар» қишки трансфер пайтида япониялик футболчи учун 10 миллион фунт стерлинг таклиф қилишмоқчи.
Луи ван Гал жамоаси ушбу мавсумда гол уриш билан боғлиқ муаммога дуч келмоқда. Хусусан, манкунианликлар сўнгги 15та ўйинда 14та гол уришган. «МЮ»нинг ҳужум чизиғини кучайтириш кераклигини голландиялик мутахассис тушуниб турибди. Шу боис, 23 ёшли Мутонинг номзоди кўриб чиқилмоқда. У «Майнц» сафидаги 18та ўйинда 7та гол уришга муваффақ бўлган.
Эътиборли томони, «Токио» тарбияланувчиси ҳисобланган Муто 2015 йилнинг ёзида ўзига қизиқиш билдирган «Челси»га эмас, «Майнц»га ўтишга қарор қилганди.