Коста-Рика чемпионати доирасида "Алахуэленсе" ва "Депортиво Саприсса" жамоалари учрашуви вақтида мезбонлар вакили Хонатан Макдональд ўзига нисбатан қоидабузарлик ишлатган рақиб футболчисини ўзи жазолашга қарор қилди.
У ўзини йиқитишгач, ҳакам ҳуштак чалишидан олдинроқ ўрнидан туриб, бутсасини ечади ва қоидабузарни нишонга олади.
Бу воқеа Коста-Рика чемпионати финалининг жавоб учрашувида рўй берган. Ўйинда Хонатан Макдональднинг жамоадошлари 1:2 ҳисобида мағлуб бўлишган. Икки учрашув натижасига кўра "Депортиво Саприсса" жамоаси 4:1 ҳисобида ғалаба қилган.