Англия терма жамоасининг собиқ футболчиси Стивен Жерррард ушбу мавсумда кўплаб танқидга учраётган "МЮ" ҳужумчиси Уэйн Рунини ҳимоя қилиб чиқди.
"Варди ва Кейн - ажойиб футболчилар, аммо сиз ҳал қилувчи ўйинларда кимга ишонардингиз? Кимдир Рунидан яхшироқ вариантни айта оладими? Дейлик, ўйин охирида Англия термасининг тақдирини ҳал қилувчи пенальти тепиши керак. Бу зарбани кимга ишонар эдингиз?
Руни - бу фақат голлар дегани эмас, Уэйн бутун жамоага таъсир ўтказа олади. Ҳозир уни қўллаб қувватлаш керак, танқид эмас", - дейди Жеррард.
Уэйн Руни бу мавсумда АПЛнинг 15 учрашувида иккита гол уриб, битта голли узатма оширган.
