Футбол бўйича Кот-д'Ивуар терма жамоасининг собиқ ўйинчиси Стив Гохури Рейн дарёсида ўлик ҳолда топилди. 34 ёшли футболчининг танаси Германиянинг Крефельд шаҳри яқинида аниқланди, деб хабар бермоқда Bild нашри. Бундан 3 ҳафта аввал Гохури бедарак йўқолган деб эълон қилинганди.

Собиқ футболчининг танасида зўравонлик белгилари аниқланмаган, бироқ ОАВларда Гохури гиёҳванд моддалар қабул қилишни бошлагани маълум қилинганди. Полицияда айнан Гохурининг жасади топилгани тасдиқланди.

Гохури Мёнхенгладбахнинг “Боруссия” ва Англиянинг “Уиган” клубларида тўп сурган.