Сўнгги мавсумни "Навбаҳор"да ўтказган ҳимоячи Бобир Акбаров ва ярим ҳимоячи Роббим Ҳасановлар жамоадаги фаолиятларини якунлашга қарор қилишгани ойдинлашди.

Ушбу футболчилар билан боғланганимизда бу маълумотни тасдиқлашди. Янги йилдан олдин эса яна бир ярим ҳимоячи Азим Аҳмедов ҳам жамоа билан хайрлашиб, Тошкентнинг “Пахтакор” клуби билан шартнома имзолаганди. Олдинги мавсумларда “Навбаҳор” жамоаси шарафини ҳимоя қилган ва бошқа клубларга ўтишга қарор қилган Аҳмедов, Акбаров ва Ҳасановларнинг кейинги фаолиятларига омад тилаб қоламиз, - дея ёзади клуб расмий сайти.