Халқаро футбол тарихи ва статистикаси федерацияси (IFFHS) турли номинациялар бўйича 2015 йилнинг энг яхшиларини эълон қила бошлади.

"Олтин тўп"нинг тўрт карра соҳиби Лионель Месси жаҳоннинг энг яхши плеймейкери деб топилди.

50дан ортиқ мамлакат мамлакат вакилларидан иборат ҳайъат аъзолари томонидан берилган овозга кўра "Барселона" ҳужумчиси 168 балл тўплади. 28 ёшли футболчи IFFHS мазкур номинациясида илк марта ғолибликни қўлга киритди. 2014 йил якунлари бўйича ўтказилган сўровномада Месси "Реал" ярим ҳимоячиси Тони Кроосдан 2 балл ортда қолганди.

Иккинчи ўринни каталонияликларнинг яна бир аъзоси Андрес Иньеста қўлга киритди. Испаниялик футболчи ҳисобида 91 балл тўпланди. Учинчи ўрин эса Андреа Пирлога насиб этди (54 балл). Кейинги ўринларни Эден Азар ("Челси") ва Кевин де Брюйне ("Вольфсбург" / "Манчестер Сити") банд этишди. Олтинчи ўрин эса "Манчестер Сити"нинг африкалик легионери Яя Турега насиб этди.

IFFHSнинг энг яхши плеймейкери танловида аксарият ҳолларда "Барселона" вакиллари ғолиб чиқишган. 2008-2011 йилларда Хави, 2012-2013 йилларда Иньеста ғолибликка эга чиқишган.

IFFHS версияси бўйича 2015 йилнинг энг яхши плеймейкери танлови рейтинги

1. Лионель Месси (Аргентина / "Барселона") — 168 балл
2. Андрес Иньеста (Испания / "Барселона") — 91 балл
3. Андреа Пирло (Италия / "Ювентус" / "Нью-Йорк Сити")  — 54 балл
4. Эден Азар (Бельгия / "Челси")  — 22 балл
4. Кевин де Брюйне (Бельгия / "Вольфсбург" / "Манчестер Сити")  — 22 балл
6. Яя Туре (Кот-д'Ивуар / "Манчестер Сити")  — 13 балл
7. Тони Кроос (Германия / "Реал Мадрид")  — 11 балл
7. Лука Модрич (Хорватия / "Реал Мадрид")  — 11 балл
9. Хамес Родригес (Колумбия / "Реал Мадрид")  — 10 балл
9. Пасторе (Аргентина / "ПСЖ")  — 10 балл