Испаниялик журналист Грэм Хантер "BBC Radio 5 live" радиоси орқали қилган чиқишида "Реал" клуби Хосеп Гвардиолани бош мураббийликка таклиф қилгани ҳақида айтиб ўтди.
"6 ҳафта аввалроқ "Реал" Гвардиолани бош мураббийликка таклиф қилган. Бу факт. Бу ҳолат Гвардиоланинг айни пайтда ҳар қандай клуб орзу қиладиган мураббийга айланганини тасдиқлайди.
Шунингдек, бу ҳолат "Реал" қандай қийин вазиятга тушиб қолганини ҳам кўрсатиб турибди. Акс ҳолда улар ўзларининг азалий рақибларини бошқарган мутахассисга таклиф билан чиқишмасди", - дейди Хантер.
Эслатиб ўтамиз, 2015 йилнинг июнида жамоага катта умидлар билан таклиф қилинган Рафаэль Бенитес жорий мавсумнинг биринчи ярмида жамоа билан қониқарсиз натижалар қайд этганлиги учун 2016 йилнинг 4 январида истеъфога чиқарилди ва унинг ўрнини жамоанинг собиқ мураббийи Зинедин Зидан эгаллади.
