Биринчи Лига жамоалари ҳам секин-аста янги мавсумга тайёргарликни бошлашмоқда.
Фарғонанинг “Цементчи” жамоаси ҳам бугундан йиғинни бошлади. Қувасойликлар эрталабдан илк машғулотни ўтказишди. Жамоа сафига бир қатор ёш ва умидли футболчиларнинг келиб қўшилишлари кутилмоқда. Аммо илк машғулотда янгилар кўриниш бермади.
Клуб матбуот хизматининг маълум қилишича, “Цементчи”ни ҳам бир қатор футболчилар тарк этиши маълум бўлди. Маълумотларга қараганда, ортда қолган мавсумда жамоанинг етакчиларидан бири бўлган Элёр Акбаров катта эҳтимол билан “Сўғдиёна” сафига бориб қўшилади. Шунингдек, Нодирхон Камолов ҳам Қувасой жамоасидан кетди. Азизхон Ибрагимов эса “Қўқон-1912” жамоаси йиғинига чақирилган. Шунингдек, Жаҳонгир Дадабоев, Иброҳим Нўмонов ва Абдуллажон Мирзаевлар ҳам янги мавсумни бошқа жамоада ўтказадиган бўлишди.
