Янги мавсумга ҳозирликни давом эттираётган “Локомотив” футбол клуби 9-22 январь кунлари Дубайда ўқув-машғулот йиғинини ташкил қилади. Йиғин давомида “темирйўлчилар” учта ўртоқлик учрашувида майдонга тушишади.
“Локомотив”нинг хориждаги илк рақиби Саудия Арабистонининг “Ал Аҳли” клуби бўлади. Бу жамоа билан ўйин 15 январь куни бўлиб ўтади. 19 январь куни иккинчи ўртоқлик беллашуви ўтказилади. Рақиб жамоа Хитойнинг “Хенан Жианье” клуби. 22 январда эса “темирйўлчилар” учинчи назорат беллашувида иштирок этишади. Рақиб – Словакия (U-21) терма жамоаси. 23 январда жамоамиз аъзолари Тошкентга қайтиб келишади.
