Хабар бериб ўтганимиздек, эртага “Локомотив” жамоаси аъзолари ўқув-машғулот йиғинини ташкил этиш мақсадида Дубайга йўл олишади. 9 январдан бошланадиган йиғин 22 январга қадар давом этади ва 23 январь куни вакилларимиз Тошкентга қайтиб келишади.
Сафарга кетиш олдидан мураббий ва футболчиларга “Joma” спорт кийимлари компаниясининг янги русумдаги формалари тарқатилди. Либослар фақат “Локомотив” футбол клуби учун тикилган бўлиб, футболкаларнинг орқа ёсасига Lokomotiv сўзи туширилган. Шунингдек, устки кийимларнинг ўнг томонига клуб эмблемаси тикилган. Бу эса кийимнинг сифатли ва оригинал эканлигидан дарак беради ҳамда эксклюзив вариант ҳисобланади. “Joma” либосларининг сифати ва дизайни футболчиларимизга маъқул келди.
