Биласиз, мамлакатимизнинг амалдаги чемпиони “Пахтакор” 3 январь куни янги мавсумга тайёргарликнинг иккинчи йиғинини бошлаганди.
“Шерлар” бугун сўнгги машғулотни ўтказишади ва эртадан йиғинни БААнинг Шаржа шаҳрига кўчиришади. “Пахтакор” икки ҳафта мобайнида Шаржада шуғулланади. Маълумотларга қараганда, “Пахтакор” БАА йиғини доирасида бир қатор синов-назорат баҳслари ўтказишни режалаштирган. Ўртоқлик ўйинларидан бири Қозоғистоннинг “Жетису” жамоасига қарши ўтказилади. Аммо мазкур матчнинг қайси санада ўтказилиши ҳали аниқ эмас.
Таъкидлаб ўтамиз, “Пахтакор”нинг олимпия терма жамоасига жалб этилган футболчилари Қатарда ўтадиган Осиё Кубогидан кейин сафга қўшилишади.
