Ўтган 2015 йилги мавсумни Тошкентнинг “Локомотив” жамоасида ўтказган тажрибали ҳимоячи Шавкат Муллажоновнинг куни кеча Шаржанинг “Ал Шааб” клуби билан шартнома имзолгани ҳақида хабар бергандик. 29 ёшли футболчи кеча янги клуби билан машғулотда иштирок этишга ҳам улгурди. Бугун эса Шавкат Муллажонов БАА Про Лигасида дебют қилди.
“Ал Шааб” бугун Про Лига 14-тур учрашувлари доирасида “Бани Яс” клуби уйига сафар уюштирди. Бир неча ўйиндан буён очко жамғара ололмаётган “шаржаликлар” мазкур ўйинда 1:1 ҳисобидаги дуранг натижани қайд этди. Ҳамюртимиз Шавкат Муллажонов учрашувни тўлиқ 90 дақиқа ўтказди.
Мазкур турдан сўнг “Ал Шааб” 3 очко тўплаган ҳолда турнир жадвалида ҳамон сўнгги, 14-ўринни эгаллаб турибди.
“Бани Яс” – “Ал Шааб” – 1:1
Голлар: Белфодил (31) – Ал Саиди (57)
Огоҳлантиришлар: Муҳаммад (28), Дренте (81) – йўқ
“Бани Яс”: Фақад, Миллиган, Дренте, Алаҳбаби, Ларривей, Фаваз Ал Мусаби, Белфодил (Носир, 79), Жабер М, Муҳаммад Абдул, Жабер Й (С) (Ал Менҳали, 70), Масуд
“Ал Шааб”: Жума Исмоил, Иброҳим, Аҳмад Абдулла (Ал Хажри, 88), Н’Дри (С), Зе Эдуардо, Шавкат Муллажонов, Ал-Камали, Хассан, Саиф Салим (Обеид, 89), Акрос, Муҳаммад М (Ал Саиди, 43)
