Россиянинг «Зенит» футбол клуби собиқ бош мураббийи Лучано Спаллетти тез орада ўзининг яна бир эски жамоаси «Рома»га қайтиши мумкин.
56 ёшли мутахассис бугуннинг ўзидаёқ истеъфога чиқарилиши кутилаётган римликлар бош мураббийи Руди Гарсиянинг ўрнини эгаллаш учун асосий номзодлардан бири сифатида қаралмоқда.
Sky Sport Italia нашри берган хабарга кўра, «Рома» раҳбарияти Марсело Бьелса («Марсель», «Атлетик» клублари собиқ бош мураббийи) ёки Чили терма жамоаси бош мураббийи Хорхе Сампаоли вариантини эмас балки Спаллеттини танлашни маъқул кўрмоқда.
Қайд қилинишича, «Рома» раҳбариятидан фақатгина спорт директори Вальтер Сабатини ҳалигача амалдаги бош мураббий Гарсияни қўллаб-қувватламоқда.
Эслатиб ўтамиз, Спаллетти «Рома»да 2005 йилдан 2009 йилга қадар фаолият олиб борганди.
