Хабарингиз бор, “Бухоро” жамоаси айни пайтда Тошкентдаги йиғинни давом эттирмоқда. Жамоа машғулотларида эса тажрибали футболчи Азиз Ибрагимов кўриниш бераётгани йўқ.
Маълум бўлишича, 29 ёшли ярим ҳимоячи ҳамон Прагада ҳордиқ чиқармоқда. “Бухоро” ушбу футболчини таркибда олиб қолишни истаётганди. Аммо Азиз Ибрагимов фаолиятини қаерда давом эттириш борасида ҳали аниқ бир тўхтамга келгани йўқ. Чунки унга бир қатор жамоалардан чорловлар бўлмоқда экан. Азиз Ибрагимов хизматларига қизиқиш билдираётган жамоалар орасида хориж клублари ҳам бор эканини футболчи тасдиқлади.
Азиз Ибрагимовнинг янги мавсумни қаерда ўтказиши тез орада аниқ бўлади. Футболчининг “Бухоро”га қайтиши эҳтимоли ҳам йўқ эмас.
