Британиялик спортчи Тайсон Фьюри АҚШнинг The Ring журнали томонидан 2015 йилнинг энг яхши боксчиси деб тан олинди. Бу ҳақда нашрнинг сайтида чоп этилган хабарномада айтилди.
Ундан ташқари, бу номга Геннадий Головкин (Қозоғистон), Роман Гонсалес (Никарагуа), Сауль Альварес (Мексика) ва Флойд Мэйуэзер Кичкина (АҚШ) даъвогарлик қилишган эди. 2015 йил якунларига кўра энг яхши боксчи деб россиялик Сергей Ковалёв тан олинган эди.
2015 йилда 27 ёшли Фьюри 2 жанг ўтказди. 28 февраль куни бўлиб ўтган биринчи учрашувда у германиялик Кристиан Хаммер устидан ғалаба қозонди. 28 ноябрда эса Дюссельдорфда IBF, IBO, WBO ва WBA версиялари бўйича чемпионлик камарларини украиналик Владимир Кличкодан тортиб олди. Кейинчалик у Вячеслав Глазков билан учрашув ўтказишдан бош тортгани учун IBF камаридан маҳрум қилинди.
