Жанубий Корея ОАВларининг бор эътибори бугун ўтадиган Ўзбекистон – Жанубий Корея олимпия терма жамоалари ўртасидаги ўйинига қаратилган.

Жумладан, мамлакатнинг етакчи нашри ҳисобланган «Footballist» олимпия терма жамоамиз сафидаги Ҳусниддин Ғафуровни энг хавфли футболчи сифатида қайд этган.

“Сафимизда Хванг Хи Чан (“Залцбург”, Австрия) ва Рю Сунг У (“Байер Леверкузен”) каби Европада “нафас олаётган” футболчилар бўлса ҳам, юлдузлар фақатгина бизнинг сафмиздагина эди. Рақиб сафида Ҳусниддин Ғафуров исмли 20-рақамда ўйнайдиган футболчи бор. Ғафуров Сербия чемпионатидаги муваффақиятли ўйинлари билан тилга тушган. У 18 ёшга тўлар-тўлмас ўзбек 1-лигасидаги тўпурарлиги туфайли Европага йўл олди. У “Явор” (Сербия) сафида 11-рақамда ўйнайди. У 176 сантиметрлик паст бўйли футболчи бўлса-да, иккала қанот ва марказий ҳужумда ҳам ўйнай олади. Ўнг оёғида кучли зарбага эга”.

Корейс ОАВлари хабарлари асосида Отабeк ЙЎЛДОШEВ тайёрлади.