Мавсумга тайёргарликни давом эттираётган жамоамиз эртага Наманганда ташкил этилган дастлабки йиғинни якунлайди.

Эрталаб бўлиб ўтадиган машғулотдан кейин жамоамиз аъзолари Тошкентга йўл олишади. Бундан бироз вақт олдин футболчиларимиз навбатдаги  машғулотларни якунлашди. Эрталабки машғулотлар “Марказий” ўйингоҳнинг югуриш йўлакчаларида олиб борилган бўлса кечки машғулот “Динамо” ўйингоҳида ўтказилди. Худди олдингидек, бу сафар ҳам мураббийлар футболчиларнинг жисмоний ҳолатини тиклашга қаратилган машқларга эътибор қаратишди. Жамоамизнинг Тошкентдаги йиғини чоғида таркибга бир қатор футболчиларни қўшилиши кутилмоқда. Айни пайтда бу борада музокаралар олиб борилмоқда. Футболчиларни жамоамиз сафига ўтишлари расман ҳал этилгач бу ҳақда маълумот берамиз. Ҳозирча таркибда ўзгариш рўй берганича йўқ.