Россиялик таниқли спорт шарҳловчиси Василий Уткин «Матч ТВ» телеканалидан кетишига нима сабаб бўлгани ҳақида фикр билдирди.
«Мен шунга аминманки, бу ЕЧЛнинг гуруҳ босқичи доирасидаги «Байер» ва «Барселона» баҳси вақтида ухлаб қолганим билан боғлиқ. Лекин ишдан кетишимга нима асос бўлгани ҳақида ҳеч ким менга аниқ гап айтмади.
Мен ўша воқеани изоҳлай оламан. Бир неча йилдан буён уйқу хроникасини бузган ҳолда ишлаб келмоқдаман. Шунинг учун, «Байер» ва «Барселона» баҳсининг биринчи тайми вақтида ухлаб қолгандим. Ўшанда уйқу аралаш гапирганим рост.
Лекин иккинчи тайм вақтида менда бу борада муаммо кузатилмаганди.
Ўша воқеа билан боғлиқ жанжал ҳам рўй бермаганди. Умид қиламанки, бу воқеа менга келажакда сабоқ бўлади.
Мен ҳам ўз вақтида раҳбар бўлганман. Мен ҳисоблайманки, бир одамни ишдан ҳайдашдан олдин обдон ўйлаш керак», дейди Уткин.
