"Арсенал" жамоаси бош мураббийи Арсен Венгер Швейцариянинг "Базель" жамоасидан ярим ҳимоячи амплуасида ҳаракат қилувчи Муҳаммад Эл-Неннининг трансфер қилингани ҳақида маълум қилди.
"Албатта, Эл-Ненни бизнинг жамоада ўйнайди. У аллақачон Лондонга келган.
Балки уни келаётган якшанба кунидаги ўйинда ("Сток Сити"га қарши навбатдаги тур баҳси) майдонга туширишим мумкин", дейди Венгер.
ESPN нашри маълумотига кўра, "канонирлар" бу футболчи учун 7 млн фунт сарфлашган. Унинг расмий тақдимоти бугун ўтказилиши кутилмоқда.
Эл-Ненни жароҳат олган ярим ҳимоячилар ўрнини тўлдириш учун олиб келинган.
Ушбу футболчи жорий мавсумда Швейцария чемпионатида 16та ўйин ўтказиб, 2та гол урганди.
