Римнинг "Рома" жамоаси сайтида Лучано Спаллетти жамоанинг янги бош мураббийига айлангани ҳақида расман маълум қилинди.
Ҳозирча у билан қанча муддатга шартнома имзоланганига аниқлик киритилмаган.
Бир кун олдин "бўрилар" жамоаси Руди Гарсияни қониқарсиз натижалар туфайли истеъфога чиқарганди.
Лучано Спаллетти "Рома"нинг Италия А сериясининг навбатдаги турида "Верона"га қарши ўтказиладиган баҳсга футболчиларни бош мураббий сифатида бошлаб бориши кутилмоқда.
Эслатиб ўтамиз, Спаллетти 2005 йилдан 2009 йилгача бўлган муддатда "Рома"ни бошқарганди.
Айни вақтда "Рома" 19 турдан кейин 34 очко тўплаган ҳолда турнир жадвалининг бешинчи ўрнида жойлашган.
