Германиянинг «Бавария» клуби бош мураббийи Хосеп Гвардиола ёзда Англиянинг «Манчестер Сити» клубини бошқарувини қўлга олган тақдирда жамоада тозалаш ишларини амалга оширади, деб ёзмоқда The Telegraph нашри.
Унга кўра, жамоани Вилфрид Бони ва Элиаким Мангаля, шунингдек шартномаси ниҳоясига етаётган Мартин Демичелис тарк этишади.
Гвардиола жамоа ҳимоя чизиғи маркази учун Эмерик Ляпорт («Атлетик», Испания) ва Жон Стоунзни («Эвертон», Англия) олиб келишни истамоқда.
Шунингдек, манба берган хабарга кўра, «Сити» ёзда «Лестер» ҳужумчиси Жейми Вардини сотиб олишга ҳам ҳаракат қилиб кўради.
Эслатиб ўтамиз, олдинроқ Гвардиола «Лестер» ҳужумчисини сотиб оладиган даражада аҳмоқ эмаслигини таъкидлаб ўтганди.
