Ўтган мавсумнинг иккинчи қисмини Қозоғистоннинг “Жетису” клуби сафида ўтказган ўзбекистонлик ёш ярим ҳимоячи Бобир Давлатов фаолиятини яна қўшни юртда давом эттирадиган кўринади.
Маълумотларга қараганда, 19 ёшли истеъдод эгаси айни кунларда Қозоғистоннинг “Актобе” жамоаси кўригида бўлиб турибди. У “Актобе”нинг Туркияда ўтказаётган ўқув-машғулот йиғинида қатнашяпти.
Агар Бобирнинг ҳаракатлари мазкур клуб мураббийларига маъқул келса, ҳамюртимиз янги мавсумни яна Қозоғистон Премьер Лигасида ўтказади.
Таъкидлаб ўтамиз, Бобир Давлатовнинг трансфер ҳуқуқи Россиянинг “Рубин” жамоасига тегишли.
