"Реал Мадрид" жамоаси хавбеки Гарет Бэйл Испания чемпионати 20-турида "Спортинг Хихон"га қарши кечган ўйинда (5:1) жароҳат олганди.
AS нашрининг ёзишича, уэльслик футболчи икрасимон мушакларини шикастлаган. Унинг жароҳатидан фориғ бўлиши учун икки-уч ҳафта керак бўлади. Бэйл жамоасининг "Бетис", "Эспаньол" ва "Гранада"га қарши ўйинларини ўтказиб юборади.
Жорий мавсумда Гарет Бэйл барча турнирларда 17 ўйинда майдонга тушиб, 13 та гол ва 7 та голли пас муаллифи бўлган.