"Манчестер Сити" жамоаси бош мураббийи, чилилик тажрибали мутахассис Санкт-Петербургнинг "Зенит" жамоасига таклиф этилиши мумкин.
Lifenews78 нашрида ёзилишича, мавсум якунида Россияни тарк этиши ҳақида маълум қилган мураббий Андре Виллаш-Боаш ўрнига питерликлар раҳбарияти 67 ёшли чилилик мутахассисни олиб келишмоқчи.
Қайд этиш керакки, "Манчестер Сити" ушбу мураббий билан 2019 йилгача шартномаси бўлсада, ёзда унинг ўрнига "Бавария"да Хосеп Гвардиолани олиб келишни режалаштирган.
Бундан олдинроқ, Пеллегринининг хизматига "Челси" ва "ПСЖ" жамоалари томонидан қизиқиш мавжудлиги ҳақида хабар берилганди.
У шунингдек, Чили терма жамоасини бошқариш бўйича таклиф олган, лекин бу таклифни рад этган.
Маълумот учун, Пеллегрини инглиз ва испан тилларини мукаммал билади ва бу питерликларнинг қизиқишини оширмоқда.
