Украинанинг "Ворскла" клубида фаолият кўрсатаётган ўзбекистонлик ярим ҳимоячи Санжар Турсунов айни вақтда қишки йиғинни ўтказаётган жамоадошлари билан кийим алмаштириш хонасида ўзига хос флешмоб ўтказди. У тўп билан муомила қилишда кўп футболчиларга ўрнак сифатида кўрсатиш мумкин бўлган бу ҳаракати тасвирини ўз инстаграмига жойлаштирган.
Видеотасвирда Санжар Турсунов кийим алмаштириш хонасида айлана бўлиб ўтирган жамоадошлари ўртасида туриб, тўпни уларга бош билан узатади ва қайтариб олади. 19 футболчи иштирокида амалга оширилган бу жонглёрлик ҳаракати вақтида тўп ерга тушмайди.
Бундан олдинроқ, Ўзбекистон терма жамоасининг бошқа бир футболчиси Сардор Рашидов ўз ҳовлисида ити билан футбол ўйнаб, ўзига хос машғулотини кўрсатиб берганди.
