Айни вақтда "Ювентус" жамоасини бошқариб турган Массимиллиано Аллегри янги мавсумда "Челси" бош мураббийлигига тайинланадиган асосий номзод сифатида ҳисобланмоқда.
The Sun нашри маълумотига кўра, лондонликлар жамоаси хўжайини Роман Абрамович италиялик мутахассисга 6 млн фунт стерлинг маош белгилаш назарда тутиладиган шартнома таклиф қилмоқчи.
Жамоада Жозе Моуриньо ишдан бўшатилгач, унинг ўрнига олиб келинган Гуус Хиддинк билан шартнома жорий мавсум сўнггида якунланади.
Янги мавсумда "Челси"га олиб келиниши мумкин бўлган мутахассислар қаторида Чили терма жамоасининг собиқ мураббийи Хорхе Сампаоли, "Атлетико"нинг амалдаги мураббийи Диего Симеоне ҳамда "Манчестер Сити"ни мавсум сўнггида тарк этиши мумкин бўлган Мануэл Пеллегрини номлари бор.
