«Манчестер Сити» жамоаси ҳужумчиси Серхио Агуэро ўзининг Аргентина терма жамоасидаги шериги Лионель Мессига Англия ҳаёти ҳақида гапириб берган.
"Месси Манчестерда пляжлар йўқлигини билади. Мен унга бўш вақтнинг асосий қисмини уйда ўтказишимиз ҳақида айтдим.
Англияда ҳар 3 кунда ўйин бўлади. Бу ўйинлар оралиғида фақат овқатланиш ҳамда ухлашдан ортмаймиз. Шунинг учун, об-ҳавонинг қандай бўлиши у қадар аҳамиятга эга эмас.
Мен Леога Манчестер шунчаки ажойиб шаҳар экани ҳақида сўзлаб бердим. Бу ерда кунни уйдан чиқмаган ҳолда ўтказиш, ҳар 3 кунда ўйинларда қатнашиш ва кечалари учрашиб, биргаликда мате ичиб, футбол ўйнашимиз мумкинлиги тўғрисида айтдим", дейди Агуэро.
Эслатиб ўтамиз, бундан олдинроқ «Манчестер Сити» Мессини сотиб олишга ҳаракат қилиши ҳақида хабар берилганди.
