ФИФАдаги коррупцион можарони тергов қилаётган АҚШнинг Федерал қидирувлар бюроси Германия футбол иттифоқи (DFB) томонидан ФИФА ҳисобига 6,7 млн евро ўтказилгани билан қизиқиб қолди, деб хабар бермоқда Süddeutsche Zeitung нашри.
Аввалроқ Германия ОАВлари DFB гўёки 2006 йилги жаҳон чемпионати Германияда ўтказилиши учун ФИФА ижроия қўмитаси аъзоларини сотиб олгани ҳақида хабар берганди.
ФИФА ходимларини сотиб олиш учун “қора ғазна” яратилгани ҳақида айтилган.
Нашр ФҚБ бошлаган терговнинг характерини аниқлаштирмаган, бироқ бу иш америкалик терговчиларнинг устуворлик бўйича рўйхатида 3-ўринда тургани таъкидланмоқда.