Ўзбекистон олимпия терма жамоаси Қатарда бўлиб ўтган Осиё чемпионатида иштирок этиб қайтди. Биз олимпиячиларимизнинг мазкур турнирдаги иштироклари ҳақидаги 15 фактни эътиборингизга ҳавола этамиз.

1. Ўзбекистон Олимпия терма жамоси мусобақада жами 6 та учрашув ўтказган. Ўйинларнинг 2 тасида вакилларимизнинг қўли баланд келган бўлса, 4 тасида имконият бой берилди. Тўплар нисбати 9:10.

2. Киритилган 9 гол 7 нафар футболчининг номига ёзилган.

3. Игор Сергеев ва Достонбек Хамдамов бу борада етакчи. Улар ҳисобида иккитадан гол мавжуд.

4. Егор Кримец, Жамшид Искандеров, Темур Ҳакимов, Жавоҳир Соҳибов ва Жалолиддин Машариповлар эса бир мартадан зафар қучишган.

5. Голларнинг 2 таси биринчи таймларда, 7 таси эса иккинчи бўлимларда урилган.

6. Темур Ҳакимов заҳирадан майдонга тушиб гол урган ягона футболчимиз.

7. Ўзбекистонликлар иштирокидаги 6 ўйинни стадионларда жами 3163 мухлис томоша қилган. Ўртача ҳар бир ўйинга 527 мухлис ташриф буюрган.

8. Энг кўп мухлис 2016 йилги мусобақада Жанубий Кореяга қарши ўйинда тушган – 803 томошабин.

9. Энг кам мухлис 2013 йилги турнирда Хитойга қарши учрашувда тушган – 80 томошабин.

10. Вакилларимиз иштирокидаги ўйинларни 6 мамлакат ҳакамлари бошқариб боришган: Жанубий Корея, Малайзия, Сингапур, Саудия Арабистони, Уммон, Хитой.

11. Ўзбекистонликлар 2 та мусобақада 9 сариқ ва 1 та қизил карточка билан жазоланишган.

12. Ўзбекистоннинг рақиблари эса 12 марта сариқ карточка билан “сийланишган”.

13. Термамизнинг энг қўпол футболчилари Жамшид Болтобоев (1 сариқ+1 қизил) ва Сардор Мирзаев (2 сариқ)

14. Ўзбекистонни иккита мусобақага икки мураббий олиб борди (Шуҳрат Мақсудов ва Самвел Бабаян)

15. Ўзбекистон олимпия термаси ҳар иккала мусобақада ҳам гуруҳда 3-ўринни олган.

Фурқат Юсупов тайёрлади