“Насаф”нининг ОЧЛдаги рақиби  - БААнинг “Ал Айн” клуби Про лиганинг навбатдаги турида ўз майдонида “Ал Васл” клубини йирик ҳисобда таслим этди.

Учрашувнинг 19-дақиқасида Муҳаммад Абдулраҳмон ҳисобни очган бўлса, 34-дақиқада мезбонлар таркибида яқинда келиб қўшилган бразилиялк Дуглас орадаги фарқни иккитага оширди. Ўйиннинг сўнгги сонияларида Фелипе Бастос баҳсга якуний нуқтани қўйди -3:0.

Мазкур ғалабадан кейин “Ал Айн” очколари сонини 15 учрашувдан сўнг 40 тага етказди ва турнир жадвалида “Ал Аҳли”ни уч очкога ортда қолдириб, пешқадамлик қилмоқда.