"Челси"нинг бразилиялик ярим ҳимоячиси Рамирес фаолиятини Хитойда давом эттиради. Жамоанинг расмий сайтида маълум қилинишича, 29 ёшли бу футболчини "Жиансу Сайнти" жамоаси сотиб олган ва у билан энди 4 йиллик шартнома имзолайди.
Норасмий манбаларга кўра, унинг трансфер қиймати 20 млн еврони ташкил этган.
Маълумот учун, жорий мавсумда Рамирес "Челси"да 21 ўйинда иштирок этиб, битта гол урди ва 3та голли узатма муаллифи бўлди.
Ушбу ярим ҳимоячи 2010 йилда "Бенфика"дан "Челси" сафига келиб қўшилганди.